Onddoak

Kaskabeltz
Boletus pinophilus

go to link

source url Bere izenak adierazten duen bezalaxe pinudietan ateratzen da, baina hostozabalen azpian ere topatu daiteke. Udazkean arrunta izan arren udaberrian ere agertzen da. Txapel handia du eta gaztetan hanka sabelduna. Oso jangarri ona da eta zenbait boletusekin nahasten den arren, erraza da bereiztea txapelak duen tonu kaoba-gorrixka dela eta.

Argazkia: Aranzadi Zientzia Elkartea
Boletus pinophilus

Artikuluari buruz
Egilea: Ostaizka Aizpurua
Sorrera: 2012/02/13
Azken eguneraketa: 2012/02/13
Bisita-kopurua: 1532

Motzean
Taxonomia
Dibisioa: Basidiomycota
Klasea: Basidiomycetes
Ordena: Agaricales
Familia: Boletaceae
Deskribatzailea: Pilát & Dermek (1973)
Sinonimoak
Boletus aestivalis var. pinicola
Boletus edulis var. pinicola
Boletus pinicola
Ekologia
Mikorrizikoa
Jateko balioa
Jangarria
Perretxiko-garaia
Perretxikorik ez
Perretxikoak bai

Makromorfologia

Pileoa

go

http://newlinkgroup.com/academic-essay-writers/ Ganbila eta mamitsua da txapela, eta 7-25 cm-ko diametrokoa. Tonu arre- edo kaoba-gorrixka du eta apur bat zimurtua izaten da. Kutikula kentzeko zaila da. Bestalde, lehorra izaten da baina hezetasunaren eraginez lingirdatsu samarra bihurtzen da.

Estipea

Hanka sabelduna da, eta batik bat gazteetan, txapela baino zabalagoa izaten da. 5-20 x 2-10 cm-ko tamaina izaten du eta zertxobait gorrixka da. Sareak, zuritik krema-horixkaraino doazen tonuak hartzen ditu. 

Mamia

Mamia sendoa eta zuria da, baina kutikularen azpian, arrosa edo ardo koloreko tonuz tindatua agertzen da. Fresko dagoenean, zapore gozo eta usain atsegina izaten du, lehortzean ordea, biziegia eta aromatiko samarra da.


Mikromorfologia

Esporak

13-19 x 4-6 μm-ko tamaina izaten dute esporek eta jakinean oliba-kolorekoak dira.


Ekologia

Habitata

Bere izenak adierazten duenez pinudietan egoten da. Hala eta guztiz ere, hostozabalen azpian ere agertzen da, batez ere lurra txilarrez estalia duten pagadietan.

Perretxiko-garaia

Euriteen ostean ateratzen da, batez ere uda amaieran eta udazkenean. Hala ere, apirilean eta maiatzean agertu daiteke.

Jateko balioa

Oso jangarri ona eta preziatua da.

Antzeko espezieak
Boletus edulis

Kaskabeltzean txapelak tonu kaoba-gorrixkak ditu eta hankak argiagoa da.

Udazkeneko onddozuria ( Boletus edulis )

Boletus aereus

Onddobeltzak ez du sekula txapelean tonu kaoba-gorrixkarik izaten.

Onddobeltza ( Boletus aereus )

Boletus regius

Arrosagoa da eta poroak ez dira inoiz zuriak.


Erregistra zaitez

Erregistra zaitez!

· Parte hartu edukiak hornitzen eta eztabaidatzen 
 
· Igo itzazu argazkiak, bideoak, liburuak, estekak...