Onddoak

Galanperna lilazeoa
Lepiota lilacea

Tamaina txikiko Lepiota hau identifika erreza da. Generokideak diren  eta tamaina antzerakoa duten  espezie ugari dago, baina honek bakarrik dauka kolore moreko orbain kontzentrikoa pileoan. Oraindik nabarmenagoa da espezie honen eraztuna. Eraztuna, kolore bikoitzekoa da, goialdea zuria eta behealdea moratua. Orokorrean kontu handia izan behar da  tamaina txikiko Lepiote-kin, toxikoak izaten baitira. Espezie hau bereziki arriskutsua da, heriotza eragin baitezake. Udaberrian fruktifikatzen duen espezie ez ugaria da. 

Argazkia: Javier Zazo Ramos
Lepiota lilacea

Artikuluari buruz
Egilea: Asier Uribeetxeberria
Sorrera: 2014/03/18
Azken eguneraketa: 2014/04/05
Bisita-kopurua: 1415

Motzean
Taxonomia
Dibisioa: Basidiomycota
Klasea: Agaricomycetes
Ordena: Agaricales
Familia: Agaricaceae
Deskribatzailea: Bres.
Sinonimoak
Lepiotula lilacea
Ekologia
Saprobio humikola
Jateko balioa
Hilgarria

Makromorfologia

Pileoa

Lepiota lilacea onddoa gaztea denean txapelak kanpai forma izaten du, alea heltzen doan heinean zabaltzen doana , nahiz eta inoiz ez izan guztiz zapala. Ale helduek pileo ganbila izaten dute. Tamainari dagokionez txikia izaten da 2,5-3 cm-ko diametroa. Pileoko kolore nagusia zuria da, nahiz eta, erdialdean kolore more iluneko orbain handi bat izan. Orbain hau ertzerantz kontzentrikoki disgregatzen da kolore more apalagoko ezkatak eratuz. Lepiota honen kutikula lehorra da eta ertza fina.

Estipea

 

3-4 x 0,2-0,5 cm-ko hanka zilindrikoa garatzen du. Estipea zuria izaten da, batik bat  goialdean,  behean kolore arrozeko orbainak izaten baititu. Espezie honek nahiko eraztun berezia dauka, honen goialdea zuria baita eta azpialdea more iluna. Ehundurari eta tamainari dagokionez  harikara  eta handia da.

Orriak

Himenoforo laminarra. Laminak libreak eta kolore txuriakoak dira. Bata bestearekiko estu kokatuak.

Mamia

Kolore zuriko haragi trinkoa dauka. Usain gozo eta  zapore fin eta atseginekoa, zenbait fruiturena gogorarazten du.


Mikromorfologia

Esporak

4-6 x 2,5-3,5 µm-tako espora oboide elipsoidalak. Esporak leunak eta gardenak dira. Esporada berriz zuria izaten da.


Ekologia

Habitata

Hezetasun handia duten belardietan  hazten da, batik bat erreka eta errekastoen inguruan. Lizarrak dauden erreka ertzekiko preferentzia azaltzen du. Gure inguruko basoetan espezie urria da.


Habitat bereko espezie batzuk:
Urbeltz gorritzailea
Coprinopsis atramentaria
Larruki koloreanitza
Trametes versicolor


Perretxiko-garaia

 Onddo honek udaberrian fruktifikatzen du. 

Jateko balioa

Nahiz eta zapore zein usain fin eta atsegina izan toxiko hilgarria da. Onddo honek ez  badu heriotza eragiten, giltzurrunean eta gibelean arazo larriak eragiten ditu.

Erregistra zaitez

Erregistra zaitez!

· Parte hartu edukiak hornitzen eta eztabaidatzen 
 
· Igo itzazu argazkiak, bideoak, liburuak, estekak...