Albisteak

Jakoba Errekondori elkarrizketa NZ2Topa!
Jakobak positibotzat hartzen du NZ2TOPA bezalako ekimenak antolatzea: "Iruditzen zait oso egokia izan daitekeela jende ezberdina, ikasleak, arlo ezberdinetan lanean ari den jendea ezagutzeko, informazioa trukatzeko…".

2015/11/18
Iñaki Odriozola
Iruzkinik ez
bisita

Jakoba Errekondo agronomo eta paisajista ezaguna da. Euskadi Irratian 31 urte daramatza landareei buruzko gomendioak ematen eta 20 urte ARGIA astekarian idazten. Natur Zientzien topaketako mahai-inguruko partaide izango da eta zenbait galdera egiteko aprobetxatu dugu elkarrizketa hau.


Jakoba Errekondori elkarrizketa NZ2Topa!

Jende ugarirentzat erreferentea zara baratze eta lorategiak kudeatzerakoan. Zer nolako iturriak erabiltzen dituzu zeure burua informatzeko?

Denetik. Gaur egun aukera handia dugu: bere saioak eta programak egiten ari den jendea, ikerketak, liburuak, garai batean egiten ziren lanak… denetatik. Baita ere, gaur egun nire ustez komunikatzeko dagoen tresna nagusia: internet-a.

Ikerketa taldeen eta gizartearen artean dagoen informazio-fluxua behar bezalakoa dela uste al duzu?

Ez. Iruditzen zait hor izugarrizko hutsunea daukagula eta askotan beranduegi ere ibiltzen garela ikerketen eta saio zein proba ezberdinen emaitzak plazaratzeko orduan. Jenderengana iristen ez dugula asmatzen iruditzen zait.

NZ2TOPAn izango diren partaideen dibertsitatea ikusita, zer uste duzu eskain diezazukeela topaketa honek?

Iruditzen zait oso egokia izan daitekeela jende ezberdina, ikasleak, arlo ezberdinetan lanean ari den jendea ezagutzeko, informazioa trukatzeko… Egia esan, izena oso ongi jarria duela iruditzen zait. “Topaketa”; alor ezberdinetan dabilen jendea elkartzeko gune egokia.

 

Elkarrizketa NZ2Topa!-ko webgunean: www.naturzientzientopaketa.eus

 

Leave a comment

Please login to leave a comment.

Erregistra zaitez

Erregistra zaitez!

· Parte hartu edukiak hornitzen eta eztabaidatzen 
 
· Igo itzazu argazkiak, bideoak, liburuak, estekak...