Albisteak

Dinosauroek ere, kaparrak lagun

2017/12/13
Uxue Sarriegi Aldasoro
Iruzkinik ez
bisita

Dela milioika urteko dinosauroen lumak aurkitu izan dira, erretxinetan fosilduta. Kasuren batean eztiaren koloreko harri horren baitan harrapatuta geratutako kaparrik ere bai. Baina, lehenengoz lortu da dinosauro lumadun ostalaria eta kapar parasitoa erlazionatzen dituen ebidentzia.


Dinosauroek ere, kaparrak lagun

Birmanian aurkitutako Erdi-Kretazeoko erretxin zati bat izan da aztergai ikerketa honetan, zeinak Cornupalpatum burmanicum kapar fosila preserbatu duen 99 milioi urtean zehar. Therapodoen familiako dinosauro baten lumari atxikita aurkitutako izaki hau da artropodo eta ornodunen arteko parasitismo erlazioaren frogarik zaharrena.

Gainera, beste erretxin pusketa birmaniar batean aurreko akaro-espeziearen ahaide ez oso urruna den beste espezie bat aurkitu da. Deinocroton draculi izena eman diote eta, lumaren bati lotuta aurkitu ez den arren, izenak iradoki dezakeen modura odolez puztuta zegoela ziurtatu da. Ikertzaileek adierazi dutenez, barnean zuen odolaren konposizioa zehaztea ez da posible izan; hala eta guztiz ere, kaparraren hanketan itsatsita agertu diren koleoptero batzuen larbak identifikatu ahal izan dira. Guzti honek aditzera darama dinosauroa, kaparra eta aipatutako kakalardo espeziea elkarrekin bizi izan zirela erretxinak harrapatu zituen gunean.

Leave a comment

Please login to leave a comment.

Erregistra zaitez

Erregistra zaitez!

· Parte hartu edukiak hornitzen eta eztabaidatzen 
 
· Igo itzazu argazkiak, bideoak, liburuak, estekak...