Albisteak

Hormona sintetikoak ohikoak dira gugan

next 2016/11/21
Mikel Etxeberria Okariz
Iruzkinik ez
bisita

Jakina da gaur egun kontsumitzen ditugun produktu asko eta asko konposatu artifizialez josita daudela. Horietako batzuk disruptore endokrinoak dira, hau da animaliengan hormona gisa jokatzen duten konposatu arrotzak. Konposatu horietako bat da A bisfenola eta dagoeneko hasi dira ohiko produktuetatik kentzeko ahaleginetan.


Hormona sintetikoak ohikoak dira gugan

Badira hainbat konposatu, disruptore endokrinoak izenekoak, bai gizakiongan eta baita animalietan eraginak dituztenak. Eraginak oraindik ezezagunak badira ere hormona gisa jokatzen dute eta organismoen funtzionamendua aldatu. Disruptore endokrino hauek ia nonahi aurki ditzakegu: zartaginetan, alfonbretan, mota guztietako plastikoetan, kosmetikoetan...

watch Adibide argi bat gure kostetan arrainekin gertatzen dena da, izan ere, emakumeek gernuan estrogeno eta progesterona askatzen dute. Hormona hauek ez dira araztegietan geratzen eta arrainetara iristen direnean arrak "feminizatzen" ditu eta obozitoak zein malformazioak garatu ditzakete. Arrain hauek ohikoak ez badira ere agertzen dira tarteka.

Azken ikerketen arabera A bisfenolari jarri zaio arreta, izan ere, ikerketa batzutan ikusi da gorputzean pilatutako hormona artifizialen metaketak bularreko minbizia sortu dezakeela. Hormona artifizial bakoitzak bere kasa ez du eragin nabaririk baina denen eragina batzean korrelazioa ageri da. Esan beharra dago hala ere korrelazioa dagoela esateak ez duela kausa efekturik dagoenik esan nahi.

Europar Batasuna hasi da dagoeneko neurriak hartzen eta debekatuta dago A bisfenola biberoietan erabiltzea. Pixkanaka-pixkanaka herrialdeak A bisfenolaren erabilera murrizten hasi dira (Frantzia adibidez), eta orain jomuga hormona honekin lan egiten duten langileetan jarri nahi da. Egunero lan ordu asko egiten ditu jendeak A bisfenolarekin kontaktuan eta horrek ugaltzeko adinean dauden emakumeen arriskua areagotzen du, umeari pasa bailiezaioke hormona.

Iturria: Berria

Leave a comment

Please login to leave a comment.

Erregistra zaitez

Erregistra zaitez!

· Parte hartu edukiak hornitzen eta eztabaidatzen 
 
· Igo itzazu argazkiak, bideoak, liburuak, estekak...