16 April 2012

EuskalNatura berria: arazoak eta aukerak

Posted in EuskalNatura

Webgunea berritzean hainbat informazio galdu da

EuskalNaturaren erabiltzaile zaharrak konturatuko zineten moduan, webgune berriarekin hainbat informazio galdu da, tartean erabiltzaileen kontuak eta galeriako argazkiak. Webgunea berritzerako orduan 2 arazo nagusi horiekin egin genuen topo, besteak beste, eta ezin izan ditugu konpondu. EuskalNatura zaharra 2007ko teknologiarekin eraikita zegoen, eta 2012kora berritzeko hainbat sakrifizio egin behar izan ditugu. Aspaldiko erabiltzailea bazara ondo etorriko zaizu honako hau irakurtzea.

Webgune berria Joomla! 2.6 CMS-an eraikita dago, 2012ko puntako aukerak eskaintzen dituen edukien kudeaketa-sistema ezagunaren gainean, hain zuzen. EuskalNatura zaharra Joomla!-ren bertsio oso zaharkitu batean eraikita zegoen, eta horrek asko zaildu du edukiak migratzea.

Horrez gain, webgunea zerbitzariz aldatu dugu, Windows zerbitzari batetik Linux zerbitzarira. Aldaketak migrazioa are gehiago zaildu duen arren, etorkizunera begira askoz ere abantaila handiagoak eskaintzen ditu Apache zerbitzariak.

Aldaketa horien ondorioz hainbat arazo sortu dira:
 

Erabiltzaile-kontuak

EuskalNatura zaharrak 5000 erabiltzaile-kontu baino gehiago zituen, baina horietako gehienak SPAM-a ziren. Benetako erabiltzaileak 400 bat ziren, erabiltzaile guztien % 10 baino gutxiago. Benetako erabiltzaileak eta SPAM-erabiltzaileak bereiztea ia ezinezko lana zenez, aurreko webguneko erabiltzaile-kontu guztiak ezabatu dira.

 

Argazki-galeria

Argazki-galeria Coppermine izeneko sistema batean eraikita zegoen, eta ezin izan dira orduko edukiak webgune berrira pasa, aurrez aipatutako motiboengatik, besteak beste. Ondorioz, webgune zaharreko galeria eten beharrean izan gara. Dena den, inork bere argazkiren bat berreskuratu nahi izanez gero, euskalnatura@gmail.com helbidera idaz dezake.
 

Aukerak

Arazoak izan diren arren, webgune berriak aukera ugari eskaintzen ditu,  poliki-poliki martxan jartzen joango garenak eta ziur gustoko izango dituzuenak.

Badakigu arazo hauek guztiek pertsona bat baino gehiagoren ezinulertua eragin dezakeela, baina aldaketa ahalik eta modurik onenean egiten saiatu gara, eta bidean hainbat informazio galdu dugu.

EuskalNaturako taldekideon partetik barkamena eskatu nahi dizuegu sortutako arazoengatik, eta webgune berrian parte hartzera animatu nahi zaituztegu.

Eskerrik asko!

Leave a comment

You are commenting as guest.

Erregistra zaitez

Erregistra zaitez!

· Parte hartu edukiak hornitzen eta eztabaidatzen 
 
· Igo itzazu argazkiak, bideoak, liburuak, estekak...